Rreth 18 kilometra në jug të Fierit, në kodrat e Ardenicës, ndodhet manastiri i shekullit të trembëdhjetë, një nga ndërtimet më të rëndësishme të Kishës Ortodokse në Shqipëri. Manastiri u themelua në vitin 1282 nga perandori bizantin Andronik II.
Ai është gjithashtu vendi ku u martua heroi kombëtar Gjergj Kastrioti – Skënderbeu, në vitin 1451. Kishës së Shën Marisë i janë ruajtur afreske të shenjta të pikturuara nga vëllezërit Zografi, ndërsa mjedisi përreth ofron pamje të bukura panoramike mbi Liqenin e Karavastasë dhe fushat e Mallakastrës.
