Ky fshat është banuar që herët dhe shtrihet përgjatë luginës së Velës e cila përshkohet nga një përrua që herë pas here vërshon. I vendosur në shpatet e Malit të Velës paraqet një natyrë të mrekullueshme dhe biodiversitet të pasur, shoqëruar me punën dhe jetën e fshatit ofron një eksperiencë që vizitori e merr me vete. Shtigjet e lashta për t’u ngjitur në malin e Velës dhe tek Zoja e Velës e lehtësojnë udhëtimin duke ofruar një peizazh mahnitës.
