Festa e Birrës është eventi më i madh turistik veror në Shqipëri që organizohet çdo vit në Korçë dhe mbledh mijra vizitorë vendas dhe të huaj .Kjo traditë është një festë që kombinon birrën lokale, muzikën, argëtimin dhe kulturën që vazhdon rrugëtimin e vet me suksese gjithmonë e në rritje.
Festa e Birrës është e njohur për programin e saj të pasur muzikor, që përfshin koncerte të grupeve dhe artistëve të njohur shqiptarë dhe ndërkombëtarë. Ky Festival është një mundësi e shkëlqyer për të përjetuar kulturën dhe mikpritjen e Korçës në një ambient të këndshëm dhe festiv.
